"Türkiyə ilə oyunda buraxdığımz səhvləri analiz etmişik. Bir neçə hücum təşkil edib qol imkanları yaratmağı bacardıq. Düşünürəm ki, bu cür oyunumuzu davam etdirməliyik".

Futbolmedia.az xəbər verir ki, bu sözləri millimizin müdafiəçisi Bədavi Hüseynov sabah Belarusla keçiriləcək yoldaşlıq oyunu üçün təşkil edilən mətbuat konfransında deyib.

"Qarabağ"ın futbolçusu səhvlərdən nəticə çıxardıqlarını bildirib: "Qələbə üçün darıxmışıq. Komanda olaraq əhval-ruhiyyəmiz yaxşıdır. Yaxşı futbol oynayaraq nəticə qazanmağa çalışacağıq. Türkiyə ilə oyunda buraxdığımız səhvləri təkrarlamamalıyıq. Etiraf etmək lazımdır ki, standart vəziyyətlər üzərində çalışırıq. Onlarda çempionat davam etsə də, düşünmürəm ki, bu, rəqib üçün üstünlük olsun. Çünki bizdə də mövsüm yeni başa çatıb, Türkiyə ilə hazırlıq oyunu oynamışıq. Belarus millisi ilə oyun bərabər səviyyəli komandaların mübarizəsi olacaq”.