Xorvatiyanın “Sportske novosti" nəşri Zaqreb “Dinamo”sunun əsas hücumçusu Bruno Petkoviçin zədəsini müzakirə edərkən millimizin Mahir Əmrəlinin oynamaq şanslarını dəyərləndirib.

Futbolmedia.az xəbər verir ki, xəbərdə yazılıb: “Petkoviçin zədəsi məşqdə özünü yaxşı sübut edən Mahir Emreli üçün yeni fürsət açılır. Bəlkə də onun “Dinamo”da “ömürlük şansı” var. Qış məşqinə başlamazdan əvvəl hətta Emrelinin klubdan ayrıla biləcəyi ehtimal edilirdi, amma indi onun Ante Çaçiçin cokerinə çevrilə bilər.

Təbii ki, hər şey həqiqətən pis olarsa, "Dinamo" Sandro Kulenoviçi icarədən qaytara bilər. Bununla belə, Çaçiçin bu variantdan istifadə edəcyinə şübhə edirik. O, Drmiç və Emreliyə güvənəcək və Petkoviçin qayıtmasını gözləyəcək”.