Niderland millisinin baş məşqçisi Lui van Qal yığmadan ayrılıb.

Futbolmedia.az goal.com-a istinadən xəbər verir ki, bu barədə 71 yaşlı mütəxəssis özü bildirib. Çalışdırıcının komandası DÇ-2022-nin 1/4 finalında Argentinaya uduzaraq (2:2, penaltilər seriyası 3:4) mübarizəni dayandırıb. Van Qal isə açıqlamasında bildirib:

“Mən komandada baş məşqçi kimi qalmayacağam. Mən alnız bu müddət üçün razılaşmışdım. Beləliklə, bu, mənim son matçım idi. Çox gözəl vaxt keçirdim. Mundialı bu cür tərk etmək çox əzab verir".

Hələ aprel ayında məlum olmuşdu ki, Van Qal DÇ-2022-dən sonra Niderland yığmasından ayrılacaq, komandanı 2023-cü il yanvarın 1-dən etibarən Ronald Kuman çalışdıracaq. Belə addımın atılmasına Van Qalın verdiyi qərar səbəb olub. O, xərçəng xəstəliyindən əziyyət çəkir.

Qeyd edək ki, Van Qal 2021-ci ildən milliyə baş məşqçilik edirdi.