Braziliya millisinin üzvü Neymar DÇ-2022-nin 1/4 finalında Xorvatiyaya uduzaraq (1:1, penaltilər seriyası - 2:4) mübarizəni dayandırmaları barədə danışıb.

Futbolmedia.az xəbər verir ki, 30 yaşlı hücumçu çox məyus olduqlarını deyib:

"Bu, Kabus kimidir. Baş verənlərə inana bilmirəm. Bu məğlubiyyət uzun müddət ağrılı olacaq. Braziliyalı azarkeşlərə dəstəyə, komandadakı bütün oyunçulara isə sevgi və hörmətə görə təşəkkür etmək istərdim. Təəssüf ki, arzumuzu reallaşdıra bilmədik. Amma bu, futboldur və belə də olur. İndi gəlin evdə bu məğlubiyyətin yasını tutaq və bunun acısını çəkək.

Neymar millidəki karyerasını bitirəcəyi barədə yayılan məlumatlar haqda isə bunları söyləyib: "Düzünü desəm, bilmirəm. İndi nə isə deməyim səhv olar. Yaxşı düşünə bilmirəm. Millinin qapılarını üzümə bağlamıram, amma qalacağımı da 100 faiz demirəm. Mən heç nəyə zəmanət verə bilmərəm”.