“Roma”nın baş məşqçisi Joze Mourinyo İtaliya çempionatının 14-cü turunun “Sassuolo” ilə oyununda (1:1) qeyri-peşəkar münasibət göstərdiyi üçün futbolçusuna klubdan getməyi tövsiyə edib.

Futbolmedia.az xəbər verir ki, bu haqda portuqaliyalı məşqçi özü bildirib.

“Mən demək olar ki, soyunub-geyinmə otağına getmirəm. Amma bu gün getdim və hamının yanında dedim. Mən ona yanvarda klubdan getməsini tövsiyə etdim. Amma bilmirəm, o, yekun nəticədə nə edəcək” - deyə “Marca” nəşri Mourinyodan sitat gətirib.

Xatırladaq ki, İtaliya çempionatı matçından sonra Mourinyo komandasının bir futbolçusunun bqeyri-peşəkar davranışı ilə bağlı açıqlama verib. Eyni zamanda portuqaliyalı mütəxəssis futbolçunun adını açıqlamayıb.