"Mançester Siti" 2021/22 mövsümü üçün maliyyə hesabatını açıqlayıb.

Futbolmedia.az klubun saytına istinadən xəbər verir ki, İngiltərə təmsilçisi rekord gəlir və mənfəət əldə etdiyini bildirib. Gəlirlər 613 milyon sterlinq, mənfəət isə 41,7 milyon sterlinq olub. Üstəlik, ötən mövsümlə müqayisədə mənfəət iki dəfədən çox artıb.

"Mançester Siti"nin maliyyə göstəricilərinin yaxşılaşmasına kömək edən amillər arasında koronavirus pandemiyasından sonra azarkeşlərin "Etihad" stadionuna qayıtması, həmçinin klubun kommersiya gəlirlərinin artması daxildir.

Bundan əlavə, “Mançester Siti” oyunçu satışından 67,7 milyon sterlinq qazanıb. Klub son beş ildə oyunçu satışından 250 milyon sterlinqdən çox pul əldə edib.