Tbilisi “Dinamo”sunun baş məşqçisi Kaxaber Sxadadze Çempionlar Liqasının 1-ci təsnifat mərhələsində “Neftçi”yə 1:2 hesabı ilə uduzduqları səfər oyunundan sonra mətbuat konfransı keçirib.

Futbolmedia.az xəbər verir ki, o, əvvəlcə matç barədə fikirlərini bildirib.

- "Neftçi"ni qələbə münasibəti ilə təbrik edirəm. Bu nəticələr bizim buraxdığımız səhvlər nəticəsində oldu. Mən isə belə səhvləri bağışlamıram.

- Daxili birincilikdən fərqli avrokuboklarda uğur qazana bilmirsiniz. Bunu nə ilə izah edə bilərsiniz?

- Burada hər kəsin günahı var. Konkret kimisə günahlandırmaq olmaz.

- “Neftçi”nin gücünü o qədər də yüksək qiymətləndirmədiniz. Bu komandanın növbəti mərhələdə “Olimpiakos” önündə şanslarını necə dəyərləndirirsiniz?

- 4 qoldan 3-nü öz qapımızdan vurduq deyəndə öz səhvlərimizi nəzərdə tuturdum. “Neftçi”ni, onun prezidentini çox gözəl tanıyıram. Bizim dostluq münasibətimiz var. Bu komandanın növbəti mərhələdəki çıxışı barədə danışmaq istəməzdim.

- Nələr olsaydı, mərhələni keçən tərəf siz olardınız?

- Heç bir komandaya yaraşmayan bu qədər ciddi səhvlər etdik. Penalti vuran komanda qalib gəlməlidir. "Neftçi" hər iki görüşdə bunu etdi və qələbə qazandı

- Samir Abasov vaxtilə sizin futbolçunuz olub. Keçmiş yetirmənizə hər iki görüşdə məğlub olmaq necə hissdir?

- Futbol komanda oyunudur, boks deyil. Biz Samirlə dalaşmamışıq. Sadəcə, futbol oynamışıq.