“Qarabağ” Azərbaycan Premyer Liqasında ardıcıl 10-cu səfər qələbəsini qazanıb.

Futbolmedia.az xəbər verir ki, Qurban Qurbanovun komandası Misli Premyer Liqasının 12-ci turda “Şamaxı”nı 4:0 hesabı ilə məğlub edib.

2022/23 mövsümündə xal itirməyən Ağdam klubu rəqib meydanında 5 oyun keçirib. Şamaxıdakı matçadək “Qarabağ” səfərdə “Sumqayıt”ı 2:0, “Kəpəz”i 1:0, “Zirə”ni 7:1, “Qəbələ”ni 1:0 hesabı ilə üstələyib.

"Qarabağ" ötən çempionatın son beş səfərində də xal itkisi ilə üzləşməyib. Fevralın 28-də “Keşlə” (indiki “Şamaxı”) ilə qolsuz heç-heçə edən ağdamlılar ardınca “Sabah”ı 1:0, “Zirə” və “Sumqayıt”ı eyni – 3:0, “Qəbələ”ni 2:0, “Səbail”i 3:0 hesabı ilə yenib.

Qeyd edək ki, bu, “Qarabağ”ın tarixində ən uğurlu səfər seriyasıdır.(pfl.az)