"Barselona"nın baş məşqçisi Xavi klub prezidenti Joan Laporta ilə münasibətindən danışıb.

Futbolmedia.az xəbər verir ki, 42 yaşlı mütəxəssis Çempionlar Liqasında qrupda qaldıqları dəqiqləşəndən sonra Laporta ilə görüşdüklərini və müzakirə apardıqlarını deyib:

“Klub prezidenti ilə söhbətim olubmu? Bəli. Tez-tez ünsiyyət qururuq. Əslində biz hər oyuna birlikdə gedirik. Başımıza gələnləri danışdıq. Daxili diaqnoz aydındır. Çempionlar Liqasında bizim nəzarətimizdən kənarda qalan şeylər oldu. İstədiyimiz nəticəni ala bilmədik. Biz isə prezidentlə tez-tez görüşüb ünsiyyətdə oluruq. Mən ondan məmnunam. Bizim dostluğumuza və həmçinin Çempionlar Liqasında baş verənlərə baxmayaraq işimizə inamımız var. "Barselona" öz fikrindən dönə bilməz. Aydındır ki, biz kuboklardan birini qazanmaq imkanını itirmişik, lakin başqa titullar uğrunda mübarizə aparmaq şansımız var”.

Qeyd edək ki, Çempionlar Liqasının C qrupunda sona 1 tur qalmış "İnter" "Viktoriya"nı məğlub edib - 4:0. Nəticədə "Bavariya"dan sonra Milan təmsilçisi də pley-offa vəsiqə qazanıb. "Barselona" qrup 3-cüsü kimi yoluna Avropa Liqasında davam edəcək. "Viktoriya" isə sonuncudur.