Azərbaycanın FİFA referisi Əliyar Ağayev UEFA-dan növbəti dəfə təyinat alıb.

Futbolmedia.az AFFA-nın rəsmi saytına istinadən xəbər verir ki, o, Avropa Liqasının qrup mərhələsinin 4-cü turunda keçiriləcək "Yunion" (Belçika) - "Braqa" (Portuqaliya) matçını idarə edəcək.

Ağayevə yan xətdə Zeynal Zeynalov və Akif Əmirəli köməklik göstərəcək. Dördüncü hakim funksiyasını Elçin Məsiyev yerinə yetirəcək. Matçın VAR hakimləri türkiyəli Abdulkadir Bitigen və Mete Kalkavandır.

Qeyd edək ki, oktyabrın 13-də keçiriləcək qarşılaşma Bakı vaxtı ilə saat 20:45-də başlayacaq.