Donetsk “Şaxtyor”unun futbol direktoru Dario Srna komandanın səfər matçlarını fərqli yerlərdə oynaması ilə bağlı fikirlərini bildirib.

Futbolmedia.az "GetFootballNewsSpain"ə istinadən xəbər verir ki, o, bu komanda ilə fəxr etdiyini söyləyib: "Mənim üçün futbolçular qəhrəmandırlar. 2014-cü ildə biz Donetski, evimizi, stadionumuzu, idman şəhərimizi tərk etməli olduq. Kiyevə köçdük və uyğunlaşanda başqa müharibə başladı. O dövrdən bu günə qədər həyatımızı izah etmək çətindir.


Biz ünvanı olmayan klubuq və ən ağrılısı da budur. Lvovda, Odessada, Xarkovda oynayırdıq, indi Varşavada Çempionlar Liqasının oyunlarını oynayırıq...

Qızım mənə zəng edir və ona deyirəm ki, bu gün Kiyevdəyəm, sabah Londonda olacağam. Bəzən yuxudan oyanıram və harada olduğumu bilmirəm".

Xatırladaq ki, "Şaxtyor" Çempionlar Liqasının qrup mərhələsinin 3-cü turunda oktyabrın 5-də Madriddə “Real”la qarşılaşacaq.

Qeyd edək ki, Rusiyanın Ukraynaya hərbi müdaxiləsi səbəbindən "Şaxtyor" ev oyunlarını Ukraynada keçirə bilmir.