UEFA “Şerif” klubuna qadağa qoyub.

Futbolmedia.az xəbər verir ki, bu haqda qurumun saytı məlumat yayıb. Qərara əsasən, “Şerif” Çempionlar Liqasının 1-ci təsnifat mərhələsində “Zrinski” (Bosniya və Hersoqovina) ilə ev oyununu Tiraspol şəhərində keçirə bilməyəcək. Bu qadağa növbəti qərar açıqlamana qədər qüvvədə olacaq.

Həmin matç iyulun 13-də, cavab oyunları çərçivəsində keçirilməlidir.

Qitənin ali futbol qurumu bölgədəki təhlükəli vəziyyətlə əlaqədar bu qərarı verib. “Şerif”ə ev oyunlarını alternativ şəhərlərdə keçirmək təklif olunub.

Qeyd edək ki, Tiraspol şəhəri hazırda müharibənin davam etdiyi Ukrayna ilə sərhəddə yerləşir.