Ukrayna Futbol Federasiyasının İntizam Komitəsi millinin sabiq oyunçusu Anatoli Timoşukla bağlı sərt qərar verib.

Ukraynada hesab edirlər ki, hazırda “Zenit”də (Sankt-Peterburq) çalışan 42 yaşlı mütəxəssis Rusiyanın Ukraynaya hərbi müdaxiləsindən sonra ölkəsinə dəstək üçün heç bir addım atmayıb. O, nəinki işğalı pisləyən bəyanat verməyib, həmçinin çalışdığı Rusiya klubunu da tərk etməyib. Halbuki digər ukraynalı futbolçular artıq rus klubları ilə yolları ayırıblar.

Qərara əsasən, Ukrayna Futbol Asossasiyasından Timoşuka verilən PRO kateqoriyası üzrə məşqçi lisenziyası geri alınıb, Ukrayna çempionatı, kuboku və superkubokunda qazandığı mükafatlardan, millinin sabiq oyunçusu statusundan məhrum edilib. Onun Ukraynada futbol fəaliyyəti ilə məşğul olmasına ömürlük qadağa qoyulub. Həmçinin onun bütün fəxri ad və dövlət mükafatlarının ləğv olunması üçün müvafiq qurumlar qarşısında məsələ qaldırılması qərara alınıb.

Qeyd edək ki, Timoşuk futbolçu karyerası ərzində “Şaxtyor”, “Bavariya”, “Zenit”, “Kayrat”da da O, 2000-2016-cı illərdə Ukrayna millisinin formasını geyinib.