Mini futbol üzrə Azərbaycan millisi bu gün Slovakiyanın Koşitse şəhərində keçirilən Avropa çempionatında final oyununa çıxacaq.

Futbolmedia.az xəbər verir ki, milli həlledici matçda Rumıniya yığması ilə qarşılaşacaq. Oyun saat 22:15-də start götürəcək.

Azərbaycan yığması B qrupundakı ilk oyununda bu rəqibə 0:2 hesabı ilə uduzub.

Üçüncü yer uğrunda görüşdə isə Qazaxıstan Bolqarıstanı sınağa çəkəcək. Bu görüş saat 20:00-da başlayacaq.

Azərbaycan millisi yarımfinalda Qazaxıstana 3:2, Rumıniya isə Bolqarıstana 4:0 hesabı ilə qalib gəlib.