Futbol üzrə Avropa çempionatının qrup mərhələsinin 2-ci turunun oyunları keçirilir.

Futbolmedia.az xəbər verir ki, ilk oyun günündə A və B qruplarının qarşılaşmaları keçirilib. Əvvəlcə B qrupu çərçivəsində Rusiya millisi Finlandiya ilə qarşılaşıb və minimal hesabla qalib gəlib.

A qrupu çərçivəsində Türkiyə yığması Uelslə qarşılaşıb. Bakı Olimpiya Stadionunda keçirilən qarşılaşma türklərin məğlubiyyəti ilə başa çatıb. Qrupun digər matçında lider İtaliya millisi İsveçrə ilə üz-üzə gəlib və növbəti darmadağın sayəsində 1/8 finala vəsiqəni təmin edib.

Dünən daha üç qarşılaşma keçirilib. C qrupu çərçivəsində Ukrayna millisi Şimali Makedoniya, Niderland isə Avstriya yığması ilə qarşılaşıb. Ukrayna və Niderland yığmaları bu görüşlərdən qələbə ilə ayrılıblar. Niderland ikinci qələbəsini rəmsiləşdirməklə 1/8 finala vəsiqəni təmin edib.

B qrupu çərçivəsində Belçika yığması Danimarka milli komandası ilə üz-üzə gəlib. Belçikalılar da əzmkar qələbə sayəsində 1/8 finala yüksəliblər.

Bu gün daha üç qarşılaşma keçiriləcək. E qrupu çərçivəsində İsveç yığması Slovakiya ilə qarşılaşacaq. D qrupunda Xorvatiya Çexiyanı, İngiltərə isə Şotlandiyanı sınağa çəkəcək.