"Kadr problemlərinə görə rotasiyalar etmək çətindir. Futbolçularım maksimumu etdilər, amma alınmadı. Problemlərə baxmayaraq, mövsümü layiqli şəkildə başa vurmaq istəyirik".

Futbolmedia.az xəbər verir ki, bu sözləri "Səbail"in baş məşqçisi Aftandil Hacıyev Premyer Liqanın 26-cı turunda "Sabah"a qarşı keçirilən oyundan sonra mətbuat konfransında deyib.

O, 0:2 hesablı məğlubiyyəti belə şərh edib: "Oyuna yaxşı başlasaydıq, hər şey müsbət sona çata bilərdi. "Sabah" əks-hücumlarda çox təhlükəli idi. Maksimum dərəcədə diqqətli olmalıydıq. İlk yarıda iki qol buraxdığımıza görə fasilədən sonra risk etməliydik. Matçın sonlarında Nikolas Raysel qol epizodundan yararlana bilsəydi, bəlkə də bərabərə də qalardıq. Rəqibin heyətində hücum mövqeyində güclü futbolçular çıxış edir. Onlar fərdi olaraq da təhlükəlidilər. Bu da həlledici məqamdır".

Hacıyev ötən tur "Şamaxı" ilə matçda zədələnən qapıçı Rəşad Əzizlinin durumundan da danışıb: "Rəşad tezliklə qayıtmalıdır. İki gündən sonra fərdi məşqlərə başlayacaq".