Ölkəmizi avrokuboklarda təmsil edəcək daha bir komandanın adı bu gün dəqiqləşə bilər.

Futbolmedia.az xəbər verir ki, Azərbaycan Premyer Liqasının 25-ci turunda "Qəbələ"ni qəbul edəcək "Zirə" qalib gəlsə, ən azı 4-cü yeri özü üçün təmin edəcək və bununla da Rəşad Sadıqovun komandası Konfrans Liqasında iştirak hüququ qazanacaq.

Qeyd edək ki, "Zirə" indiyədək bir dəfə avrokuboklarda mübarizə aparıb. Paytaxt təmsilçisi 2015-2016 mövsümündə - Ayxan Abbasovun baş məşqçiliyi ilə Premyer Liqanın gümüş mükafatçısı olub və 2016-2017 mövsümündə ölkəmizi Avropa Liqasında təmsil edib. Komanda ilk mərhələni keçsə də, 2-ci raundda uduzaraq mübarizəni dayandırıb.