Çempionlar Liqasının 1/8 finalında səfərdə “Sportinq”lə qarşılaşan "Mançester Siti” ilk hissədə rəqib qapısından 4 top keçirib.

Futbolmedia.az "Opta"ya istinadən xəbər verir ki, bu, ÇL tarixində yeni rekorddur. Buna qədər heç bir komanda turnirin pley-offunda ilk hissədə dörd qol vurmamışdı.

“Mançester Siti” ÇL-də vurduğu qolların ümumi sayını isə 200-ə çatdırıb. İngiltərə klubu bu turnirdə 200 qol həddinə çatan 14-cü komandadır. Xosep Qvardiolanın komandası 200 qol həddinə cəmi 97 matçda çatıb ki, bu da yeni bir rekorddur.

Xatırladaq ki, "Mançester Siti" səfər qarşılaşmasında "Sportinq"ə 5:0 hesabı ilə qalib gəlib.