"Sumqayıt"ın Konfrans Liqasındakı ilk oyunun vaxtında dəyişiklik edilib.

Futbolmedia.az xəbər verir ki, bu haqda rəqib Serbiyanın "Çukariçki" klubunun sayt məlumat yayıb. Bu komandalar arasında Konfrans Liqasının II təsnifat mərhələsinin iyulun 22-də səfərdə keçirilməli olan ilk oyunu bir gün əvvələ, iyulun 21-nə keçirilib.

Buna səbəb həmin gün ölkənin digər klubu "Partizan"ın da Konfrans Liqasında Slovakiyanın "Dunayska Streda" komandası ilə ev oyununa çıxmasıdır. UEFA-nın qaydalarına əsasən, bir ölkənin iki komandası eyni gündə evdə avrokubok matçı oynaya bilməz.