"Sumqayıt" və "Keşlə" komandasının UEFA Konfrans Liqasının II təsnifat mərhələsində rəqibləri bəlli olub.

Futbolmedia.az[/b]-ın məlumatına görə, "Sumqayıt" Serbiyanın "Çukariçki", "Keşlə" isə Rusiyanın "Soçi" klubu ilə üz-üzə gələcək.

-----------------------------------

"Qarabağ" komandasının UEFA Konfrans Liqasının II təsnifat mərhələsindəki rəqibi bəlli olub.

[b]Futbolmedia.az -ın məlumatına görə, Qurban Qurbanovun baş məşqçi olduğu komanda İsrailin "Aşdod" klubu ilə üz-üzə gələcək.

Ağdam təmsilçisi ilk oyununu evdə keçirəcək

---------------------------------------

Bu gün UEFA Konfrans Liqasında II təsnifat mərhələsinin püşkü atılacaq.

Futbolmedia.az-ın məlumatına görə, İsveçrənin Nyon şəhərində gerçəkləşəcək tədbir Bakı vaxtı ilə 15:30-da başlayacaq.

Azərbaycan təmsilçilərindən "Qarabağ", "Sumqayıt" və "Keşlə"nin də mümkün rəqibləri bəlli olacaq. Ağdam təmsilçisi püşkə səpələnmişlər, digər ikisi isə səpələnməmişlər səbətində yer alıb. Bu isə o deməkdir ki, "Qarabağ" "Keşlə" və "Sumqayıt"a nisbətən daha zəif rəqiblə qarşılaşacaq.

UEFA püşdən əvvəl komandaları qruplara bölüb. I qrupda yer alan "Sumqayıt"ın mümkün rəqibləri Kiprin "Apollon", İsrailin "Hapoel" (Beer-Şeva), Serbiyanın "Çukariçki", Rumıniyanın "Styaua" və Ukraynanın "Vorskla Poltava" klubudur.

II qrupdakı "Keşlə" Kiprin "AEL Limassol", Türkiyənin "Sivasspor", Rusiyanın "Soçi", Qazaxıstanın "Astana", İsrailin "Makkabi" (Təl-Əviv) klublarından biri ilə görüşəcək.

VI qrupdakı "Qarabağ" isə nisbətən zəif komandalarla qarşılaşmaq şansına malikdir. Ağdam təmsilçisi "Velej Mostar" (Bosniya və Herseqovina) - "Kolreyn" (Şimali İrlandiya), "Payde" (Estoniya) - "Şlyonsk" (Polşa), "Laçi" (Albaniya) - "Buduçnost" (Monteneqro) cütlərinin qalibi və İsrailin "Aşdod", həmçinin Bolqarıstanın "Lokomotiv" (Plovdiv) klublarından biri ilə qarşılaşacaq.

Konfrans Liqasının II təsnifat mərhələsində Çempionlar yolu və Əsas yol olacaq. Çempionlar Liqasının (ÇL) ilkin mərhələsində mübarizəni davam etdirməyən 3 komanda və ÇL-in I təsnifat mərhələsində uduzan kollektivlər yollarına Konfrans Liqasının II təsnifat mərhələsindən davam edəcək.

Azərbaycan çempionu "Neftçi" ÇL-in I təsnifat mərhələsində Gürcüstanın "Dinamo" (Tbilisi) klubuna uduzsa, Konfrans Liqasının II təsnifat mərhələsində oynayacaq.

Qeyd edək ki, Konfrans Liqasında II təsnifat mərhələsinin ilk oyunları iyulun 22-də, cavab görüşləri isə bir həftə sonra olacaq.