Əfsanəvi braziliyalı futbolçu Pele xəstəxanadan evə buraxılıb.

Futbolmedia.az "Reuters"a istinadən xəbər verir ki, 81 yaşlı sabiq hücumçu müalicəsini evində davam etdirəcək.

Onun vəziyyətinin stabil olduğu bildirilib.

Qeyd edək ki, Pele daha əvvəl avqustun 30-da xəstəxanaya yerləşdirilib. Keçmiş forvard sentyabrın 6-da yoğun bağırsağındakı şişlə əlaqədar əməliyyat edilib. O, sentyabrın 14-də xəstəxananın intensiv terapiya şöbəsindən palataya köçürülüb. Futbol kralı sonuncu dəfə dekabrın 8-də San-Pauludakı özəl klinikalardan birinə çatdırılıb.