"İlk hissə çox çətin idi. Rəqib demək olar ki, boşluq vermirdi. Əks-hücumlarda çox təhlükəli idilər. 2-ci hissədə daha çox irəlidə oynamağa başladıq. Yaxşı qollar vurmağı bacardıq və çoxlu dəqiq işlər gördük. Bizim üçün çox vacib qələbədir. Dəstəyə görə azarkeşlərə xüsusi təşəkkür edirəm".

Futbolmedia.az xəbər verir ki, bu sözləri "Sabah"ın baş məşqçisi Murad Musayev Azərbaycan kubokunun 1/8 finalında "Kəpəz"ə 3:0 hesabı ilə qalib gəldikləri oyundan sonra deyib.

O, komandası üçün həm Premyer Liqanın, həm də kubokun önəmli olduğunu bildirib: "Qarşıdakı hər matçda çalışacağıq ki, maksimum yaxşı oyun sərgiləyək".

M.Musayev bu mövsümdə qarşıns avrokuboklara vəsiqə qazanmaq tapşırığı qoyulub-qoyulmadığı ilə bağlı söyləyib: "Xeyr, belə bir tapşırıq yoxdur. Mən iştirak etdiyim oyunların hamısında qələbə qazanmaq istəyirəm. Bilirəm ki, komanda da bunu istəyir. Biz addım-addım getməliyik".