“Qarabağ” – “Neftçi” oyunu üçün azarkeş marağı yüksəkdir.

Futbolmedia.az xəbər verir ki, Azərbaycan Premyer Liqasının növbəti turunda keçiriləcək “Qarabağ” – “Neftçi” qarşılaşmasına azarkeş marağının yüksək olacağı gözlənilir.

Cari mövsümdə çempionatda yaşanan gərgin rəqabət, xüsusilə “Qarabağ”, “Sabah” və “Neftçi” komandalarının eyni xal göstəricisinə malik olması liderlik uğrunda mübarizəni daha da qızışdırıb. Bu amillər “Qarabağ” – “Neftçi” görüşünün əhəmiyyətini artırmaqla yanaşı, azarkeşlərin matça marağını da yüksəldir.

Əvvəlki illərlə müqayisədə bilet satışına marağın daha yüksək olduğu müşahidə edilir. Mövcud vəziyyət qarşılaşmanın tribunalarında böyük azarkeş dəstəyinin olacağını və futbolsevərlərin stadionda əsl futbol atmosferi yaradacağını deməyə əsas verir.

“Qarabağ” və "Nefçti" azarkeşlərini komandasına dəstək olmaq, bu vacib qarşılaşmada tribunaları doldurmaq və futbol bayramının bir parçasına çevrilmək üçün biletlərini öncədən əldə etməyə dəvət edir.