Konfrans Liqasının 3 -cü təsnifat mərhələsində Bakıda keçiriləcək "Qarabağ" - AEL cavab oyunu üçün bilet satışı davam edir.

Futbolmedia.az xəbər verir ki, sözügedən matç üçün artıq 7 mindən çox bilet satılıb. Qalan biletlərin oyundan əvvəl satılması planlaşdırılır.

Nazilər Kabinetinin qərarına əsasən, pandemiyaya görə oyunlara stadion tutumunun 50 faizi qədər azarkeş buraxıla bilər. Bu da o deməkdir ki, 30 minlik tutumu olan Tofiq Bəhramov adına Respublika stadionuna 15 min azarkeş buraxıla bilər.

Qeyd edək ki, sabah keçiriləcək "Qarabağ" - AEL görüşü saat 20:00-da başlayacaq.