“Qalatasaray”ın yarımmüdafiəçisi İlkay Gündoğan Çempionlar Liqasının Liqa mərhələsində “Barselona” ilə keçiriləcək oyun öncəsi rəqib barədə fikirlərini bölüşüb.

Futbolmedia.az "Fanaikt"ə istinadən xəbər verir ki, türkiyəli futbolçu “Barselona”nın hazırda çox dominant və inamlı oyun nümayiş etdirdiyini bildirib.

“Belə formada olan komanda ilə rəqabət aparmaq üçün müdafiədə demək olar ki, qüsursuz oynamalı, topla davranarkən isə böyük cəsarət göstərməlisən. Sadəcə geri çəkilib rəqibi cərimə meydançamızın qarşısında gözləmək olmaz.

“Barselona”nın əks-hücumlar zamanı buraxdığı azsaylı boşluqlardan yüksək dəqiqliklə istifadə etmək lazımdır.

Hazırda mənim fikrimcə, “Barselona” Avropanın ən yaxşı komandasıdır və Çempionlar Liqasının qalibi olmaq üçün açıq-aşkar favoritdir” - deyə Gündoğan bildirib.