"Barselona"nın yeni transferi İlkay Gündoğan keçmiş baş məşqçisi Xosep Qvardiolaya "Mançester Siti"dən ayrılmasını necə məlumat verdiyi haqda danışıb.

Futbolmedia.az "Eurosport"a istinadən xəbər verir ki, o deyib: “Pep bu qərarımdan xəbərdar olan ilk şəxslərdən idi. Mən ona minnətdarlığımı bildirdim. Kədərli görünürdü, amma mənə elə gəlirdi ki, o da xoşbəxtdir ki, mən onun uşaqlığının klubuna, sevdiyi yerə köçürəm.

Pep hələ də "Barselona" azarkeşidir, hər oyunu izləyir. Klub və şəhər haqqında nəsə bilmək lazım olanda məsləhət üçün ona müraciət edəcəyəm”.

Qeyd edək ki, Gündoğan 2022/2023 mövsümündə "Mançester Siti"nin heyətində bütün yarışlarda 51 oyuna çıxıb, 11 qol vurub və 6 qolun ötürməsini verib.