“Roma”nın sabiq hücumçusu Françesko Totti karyerası ərzində birlikdə oynamaq istədiyi futbolçunun adını açıqlayıb.

Futbolmedia.az xarici KİV-ə istinadən xəbər verir ki, o, braziliyalı futbolçu Ronaldo ilə eyni komandada çıxış etmək istədiyini bildirib:

“Keçmişə nəzər salanda, Ronaldo ilə birlikdə oynamaq istərdim. “El Fenomeno”ya karyerası ərzində vurduğu qollardan üç dəfə çox qol vurmağa kömək edərdim. Biz bir-birimizi mükəmməl şəkildə anlayardıq”.

Ronaldo karyerası ərzində PSV, “Barselona”, “İnter”, “Real”, “Milan”, “Kruzeyro” və “Korintians”ın formasını geyinib. O, Braziliya millisində 98 oyunda 62 qol vurub.