Devid Bekhem bir ilə yaxın müddətdə reklam müqavilələrindən 44 milyon avro qazanıb.

Futbolmedia.az xəbər verir ki, “The Telegraph” bu barədə məlumat yayıb.

Bildirilir ki, İngiltərə millisinin sabiq futbolçusu və “İnter Mayami”nin ortaq sahibi DÇ-2026 ərəfəsində bağladığı bir sıra sərfəli reklam müqavilələri sayəsində 38 milyon funt-sterlinq (təxminən 44 milyon avro) əldə edib.

Bekhem bu məbləği öz brendini idarə edən şirkətdən dividend şəklində alıb. O, 2022-ci ildə şirkətdəki 55 faizlik payını satıb və 45 faiz payını özündə saxlayıb.

Şirkətin son maliyyə göstəricilərinə əsasən, 2025-ci ildə onun mənfəəti 50 milyon funt-sterlinq təşkil edib.