​Braziliya Futbol Konfederasiyası (CBF) sentyabrın 21-də Rio-de-Janeyroda Braziliya futbol liqasının qurulması və yarışların dəyərinin artırılması prosesi çərçivəsində A və B Seriyası klubları ilə dördüncü görüşünü keçirib.

Futbolmedia.az xəbər verir ki, səsvermə zamanı klublar və federasiyalar protokolda əcnəbi futbolçıların limitinin tədricən azaldılmasını təsdiqləyiblər.

A və B Seriyalarının 40 klubunun və ştat federasiyalarının nümayəndələri Braziliya futbolunun mövcud ssenarisi haqqında təqdimat izləyiblər. Təqdimat idmançıların qeydiyyatı qaydalarının, o cümlədən əcnəbilərin sayının nəzərdən keçirilməsini, həmçinin A və B Seriyası matçlarının gün və saatlarının standartlaşdırılmasını əhatə edib.

Araşdırma A Seriyası oyunçularının orta yaşının artığını göstərir. Bu göstərici 2021-ci ildəki 27,3 yaşdan 2026-cı ildə 28,5 yaşa yüksəlib. Braziliya təhlil edilən altı liqa arasında (İspaniya, Almaniya, İngiltərə, Fransa və İtaliya) ən yüksək orta yaşa malikdir. Ssenari transferlərdə də özünü büruzə verir. Braziliya klublarına gələn yeni oyunçuların orta yaşı 26,3 təşkil edir ki, bu da təhlil edilən əsas avropa liqalarından yüksəkdir.

Bu dövrdə yaşlı və əcnəbi oyunçuların gəlişi artdığı halda, Braziliya klublarının aşağı yaş qruplarında yetişdirilən oyunçuların meydanda qaldığı dəqiqələr azalır. ​2026-cı ildə 23 yaşdan aşağı futbolçular A Seriyasında oynanılan dəqiqələrin 13,8%-ni qeydə alıblar. Bu faiz Fransa (38%), İngiltərə (32%), İspaniya (31%), Almaniya (28%) və İtaliyada (28%) qeydə alınan göstəricidən aşağıdır.

​2020 və 2026-cı illər arasında 23 yaşdan yuxarı əcnəbilərin iştirakı 3,2 dəfə artıb. Onların A Seriyasında oynadığı dəqiqələr 7,8%-dən 25%-ə yüksəlib. Eyni aralıqda braziliyalı U-23 oyunçularının dəqiqələri 28,3%-dən 11,5%-ə düşüb.

Bunları nəzərə alan Braziliya Futbol Konfederasiyası çempionatlarda legioner sayının azaldılmasına hazırlaşır. Haızrda A və B Seriyası klubları oyunun protokoluna 9 əcnəbi futbolçunun adını daxil edə bilər. Limit 2027-ci ildə 8, 2028-ci ildə 7, 2029-cu ildə 6 və 2030-cu ildə 5 olacaq. Təhlil edilən 219 matçdan ibarət məlumat bazasına əsasən, A Seriyasında hər matç üzrə əcnəbilərin orta sayı hər qarşılaşma üçün 5,4 qeydiyyata düşən oyunçu təşkil edir.