“Monako”nun yarımmüdafiəçisi Lamin Kamara mövsümün sonuna qədər klubda qala bilər.

Futbolmedia.az xəbər verir ki, bu barədə “CaughtOffside” məlumat yayıb.

22 yaşlı futbolçu ilə maraqlanan “Liverpul” onun mümkün transferi ilə bağlı ilkin danışıqlar aparıb. İngiltərə klubu Kamaranı yanvar transfer pəncərəsində heyətinə qatmaq istəyir. Ancaq “Monako” seneqallı futbolçunu gələn yaya qədər komandada saxlamağa ümid edir. Fransa klubunda hesab edirlər ki, Kamaranın transfer qiyməti sürətlə artacaq və onun üçün mübarizə aparan klubların sayı daha da çoxalacaq.