“Bayern”in və “Real”ın sabiq müdafiəçisi David Alaba karyerasını okeanın o tayında davam etdirə bilər.

Futbolmedia.az xarici KİV-ə istinadən xəbər verir ki, avstriyalı futbolçu Lionel Messinin çıxış etdiyi “İnter Mayami”nin maraq dairəsindədir. Hazırda azad agent statusunda olan Alaba Amerika klubuna transfer haqqı ödənilmədən keçə bilər.

34 yaşlı müdafiəçinin son klubu “Real” olub. O, müqaviləsinin müddəti başa çatdıqdan sonra yayda Madrid təmsilçisindən ayrılıb.

“Transfermarkt” portalı Alabanın bazar dəyərini 3 milyon avro qiymətləndirir.