“Qarabağ”ın 5 legioneri öz ölkələrinin milli komandalarına dəvət alıblar.

Futbolmedia.az xəbər verir ki, bu barədə Ağdam klubunun mətbuat xidməti məlumat yayıb.

Bens Verkoni Macarıstan, Marko Yankoviç Monteneqro, Martin Zlomişliç Bosniya və Herseqovina, Renaldo Sefas Yamayka, Bruno Lanqa isə Mozambik milli komandasına çağırılıb.

Qeyd edək ki, Ağdam klubunun futbolçuları – Bədavi Hüseynov və Musa Qurbanlı Azərbaycan millisinin düşərgəsinə, gənc futbolçulardan Hikmət Cəbrayılzadə U-21, Əli Bəşirov isə U-19 millisinə dəvət alıb.