“Qəbələ”nin baş məşqçisi Amil Ağacanov Misli Premyer Liqasının 6-cı turunda “Neftçi”yə 0:3 hesablı məğlubiyyəti şərh edib.

Futbolmedia.az xəbər verir ki, mütəxəssis görüşdən sonra təşkil olunan mətbuat konfransında rəqibin heyətində keyfiyyətli və aqressiv futbolçuların olduğunu bildirib.

“Çətin məğlubiyyət aldıq. Rəqibin heyətində aqressiv və keyfiyyətli futbolçular var. İlk qola qədər pis görünmürdük. Aqressiv oynadıq, amma bu bizə kömək etmədi. Taktiki dəyişikliklər etdik. Məğlubiyyətə baxmayaraq, müsbət məqamlar da oldu”.