“Bayern” vingeri Maykl Olise ilə yeni müqavilə imzalamaq istəyir.

Futbolmedia.az xarici KİV-ə istinadən xəbər verir ki, Münhen klubu fransalı futbolçuya təkmilləşdirilmiş müqavilə təklif etməyi planlaşdırır. Yeni sözləşməyə 150-250 milyon avro arasında sərbəstqalma maddəsinin daxil edilməsi nəzərdə tutulur.

Futbolçu ilə daha əvvəl “Real” və “Liverpul”un maraqlandığı bildirilib.

Olise 2024-cü ilin yayında 55 milyon avroya “Kristal Pelas”dan “Bayern”ə keçib. Onun Münhen klubu ilə hazırkı müqaviləsinin müddəti 2029-cu ilə qədərdir. 24 yaşlı futbolçu 2025/26 mövsümündə Bundesliqada 32 oyunda 15 qol vurub və 31 məhsuldar ötürmə edib.