Misli Premyer Liqasının 4-cü turu çərçivəsində debütant “Şəfa” “Neftçi”yə 1:4 hesabı ilə məğlub olub.

Futbolmedia.az xəbər verir ki, oyundan sonra keçirilən mətbuat konfransında “Şəfa”nın baş məşqçisi Zaur Həşimov matç haqda fikirlərini bildirib və jurnalistlərin suallarını cavablayıb:

“İlk hissədə daha intizamlı oynamağı bacardıq. Bir səhvdən qol buraxdıq. İkinci hissəyə də pis başlamamışdıq. Ard-arda gələn qollardan sonra komanda ruhdan düşdü. Belə oyunlarda komandanın təcrübəsi daha da artır. Düşünürəm ki, bu məğlubiyyətin bizə çox xeyri olacaq”.

- Nicat Mehbalıyevin qapıda inamsız oyunu haqda nə düşünürsünüz?

- Nicat bir neçə mövsümdür stabil oynamır. Biz istəyirik ki, onu yenidən qazanaq. Ona görə də üzərinə çox getmirik. Tək onun səhvinə görə məğlub olduğumuzu düşünmürəm.

- Heyətlə bağlı peşmanlığınız varmı?

- Xeyr, belə düşünmürəm. Futbolçularıma güvənirəm.