Sentyabrın 6-da Azərbaycan Premyer Liqasının 4-cü turu çərçivəsində keçiriləcək "Qarabağ" - "Araz-Naxçıvan" oyununun biletləri satışa çıxarılır.

Futbolmedia.az xəbər verir ki, azarkeşlər biletləri bu gün saat 12:00-dan etibarən əldə edə bilərlər.

Biletlərin qiymətləri sektorlara uyğun olaraq 5–20 manat aralığındadır.

Biletləri iTicket.az-da onlayn, həmçinin matç günü Tofiq Bəhramov adına Respublika stadionunun kassalarından almaq mümkün olacaq.

Görüş saat 20:15-də start götürəcək.

QEYD: Qapılar azarkeşlər üçün matçın start fitindən 120 dəqiqə əvvəl açılacaq.