“Çelsi”nin hücumçusu Nikolas Ceksonun “Aston Villa”ya keçidinin nə vaxt rəsmiləşəcəyi məlum olub.

Daha əvvəl klubların 25 yaşlı futbolçunun transferi ilə bağlı 75 milyon avroya razılığa gəldiyi bildirilmişdi.

Futbolmedia.az xarici KİV-ə istinadən xəbər verir ki, Cekson sabah tibbi müayinədən keçəcək. Bundan sonra o, “Aston Villa” ilə müddəti 2031-ci ilin yayına qədər olan müqavilə imzalayacaq.

Hücumçu ötən mövsümü icarə əsasında “Bayern”də keçirib. O, Münhen klubunun heyətində 34 matçda 11 qol vurub və 4 məhsuldar ötürmə verib. Seneqallı futbolçu bu mövsüm hələ meydana çıxmayıb.