“Aston Villa”nın hücumçusu Con Duran karyerasını İtaliya A seriyasında davam etdirə bilər.

Futbolmediaa.az “Tuttosport”a istinadən xəbər verir ki, “Milan” Duranın transferi üçün klubu ilə danışıqlara başlayıb. “Rossonyerlər” kolumbiyalı hücumçunu bu qış heyətinə qatmaqda israrlıdır.

Duran bu mövsüm "Aston Villa"nın heyətində 21 oyun keçirib, 4 qol vurub və 1 məhsuldar ötürmə edib. 20 yaşlı hücumçu “Enviqado”, “Çikaqo Fayr”da oynadıqdan sonra 2023-cü ildə “Aston Villa”ya keçmişdi.