“Arsenal” “Atletiko”nun hücumçusu Xulian Alvaresi transfer etmək istəyir.

Futbolmedia.az AS nəşrinə istinadən xəbər verir ki, London klubu argentinalı futbolçunun transferi üzərində bir müddətdir çalışır. Forvard özü isə Premyer Liqaya qayıtmağa çox həvəsli olmasa da, bu variantı tamamilə istisna etmir.

Alvares “Barselona”ya keçməyə daha çox üstünlük verir. Lakin Kataloniya klubunun üzləşdiyi maliyyə çətinlikləri səbəbindən, o, “Arsenal”ın təklifini qəbul edə bilər. Mikel Arteta və klubun idman direktoru Andrea Berta artıq futbolçu ilə əlaqə saxlayıb.

Oyunçu özü “Arsenal”ın layihəsi ilə maraqlanır, amma İngiltərədəki viza və digər bürokratik məsələlərin ailəsi və dostlarının onu rahat ziyarət etməsinə mane olmasından narahatdır. O, İspaniyada ailəsi ilə birlikdə özünü rahat hiss edir və “Mançester Siti”də çıxış etdiyi dövrdə yaşadığı problemləri yenidən yaşamaq istəmir.