“Mançester Siti”nin hücumçusu Xulian Alvares karyerasını İspaniyada davam etdirə bilər.

Futbolmedia.az “Marca”-ya istinadən xəbər verir ki, argentinalı futbolçu ilə “Atletiko” maraqlanır.

Madrid klubu argentinalı forvardı 33 yaşlı fransalı hücumçu Antuan Qrizmannın əvəzləyicisi kimi nəzərdən keçirir. Onlar inanırlar ki, Alvares uzun illər komandanın hücumunun yeni lideri ola bilər.

Alvaresin “şəhərlilər”lə müqaviləsi 2028-ci ilin yayına qədərdir.

24 yaşlı hücumçu ötən mövsüm Premyer Liqada 36 oyun keçirib, 11 qol vurub, 9 məhsuldar ötürmə edib.