"İmişli"nin baş məşqçisi Fərid Namazov Misli Premyer Liqasının 2-ci turu çərçivəsində "Zirə"yə 1:3 hesabı ilə uduzduqları görüşdən danışıb.

Futbolmedia.az xəbər verir ki, o, oyundan sonra keçirilən mətbuat konfransında deyib:

"Bilirdik ki, "Zirə" bu matçda da dominant oynamağa çalışacaq. Bunun qarşısını almağa çalışırdıq. İstəyirdik ki, topu rəqibə verməyək, amma bunu nə qədər bacardıq, sual altındadır. "Zirə"ni analiz edərkən diqqət yetirdiyimiz epizodlardan qollar buraxdıq. Fərdi səhvlər etdik. Bu, futboldur, belə hallar olur".

Mütəxəssis komandasının heyəti ilə bağlı fikirlərini də bölüşüb: "Ehtiyat oyunçularla bağlı problemlərimiz var. Təbii ki, gənc futbolçulara şans vermək klubun strategiyasıdır. Geridə olduğumuz dəqiqələrdə gənc oyunçulara da şans vermək risklidir. Düşünürəm ki, bunun da öhdəsindən gələcəyik".