“Real” La Liqanın yeni mövsümündə ilk oyununa çıxmağa hazırlaşır.

“Kral klubu” mövsümöncəsi hazırlıq çərçivəsində son matçında “Şalke”ni 3:0 hesabı ilə məğlub edib. Madrid təmsilçisi avqustun 22-də çempionatın ilk turunda səfərdə “Espanyol”la qarşılaşacaq.

Futbolmedia.az “Diario AS”-a istinadən xəbər verir ki, “Real”ın yeni baş məşqçisi Joze Mourinyo taktiki sxemlə bağlı qərarını böyük ölçüdə verib. Portuqaliyalı mütəxəssis 4-2-3-1 sisteminə üstünlük verməyi planlaşdırır.

Bu sxem Mourinyoya Vinisius Junior, Kilian Mbappe, Yan Diomande və Çud Bellingemi eyni vaxtda start heyətində meydana buraxmaq imkanı verəcək.