“Real”ın yeni baş məşqçisi Joze Mourinyo komandanın hücumçusu Qonsalo Qarsiya ilə bağlı qərarını verib.

Futbolmedia.az “Marca”-ya istinadən xəbər verir ki, portuqaliyalı mütəxəssis 22 yaşlı forvardın klubda qalmasını istəyir. Mourinyo hesab edir ki, bu yay Qarsiya ilə yolları ayırmaq üçün uyğun vaxt deyil.

İspaniyalı forvard 2025-ci ildən “Real”ın əsas komandasında çıxış edir. Onun klubla müqaviləsinin müddəti 2030-cu ilin iyununa qədərdir.

“Transfermarkt” portalı Qarsiyanın bazar dəyərini 30 milyon avro olaraq qiymətləndirir.