“Əl-Hilal”ın müdafiəçisi Joao Kanselo klubundan ayrılmağa qərarlıdır.

Futbolmedia.az “Diario Sport”-a istinadən xəbər verir ki, 32 yaşlı futbolçu Səudiyyə Ərəbistanı klubunun Avstriyada keçirilən mövsümöncəsi hazırlıq toplanışına qatılmayıb. Bu səbəbdən, portuqaliyalı oyunçunu “Əl-Hilal”ın daxili intizam qaydalarını pozduğuna görə cərimə gözləyir.

Kanselo hazırda vətənindədir. Onun agenti Jorje Mendeş isə futbolçunun yenidən “Barselona”ya qayıtması üçün danışıqları davam etdirir. Bildirilir ki, Kataloniya təmsilçisi Kanselonu 10 milyon avrodan aşağı məbləğə transfer etməyə ümid edir.

Müdafiəçi ötən mövsümün ikinci yarısını icarə əsasında “Barselona”da keçirib. O, dəfələrlə karyerasını daimi əsaslarla Kataloniya klubunda davam etdirmək istədiyini bildirib və artıq “Əl-Hilal”ın formasını yenidən geyinmək niyyətində deyil.