“Zenit”in futbolçusu Malkom klubunu dəyişib.

Futbolmedia.az xəbər verir ki, braziliyalı futbolçu “Əl-Hilal”a keçib. Səudiyyə Ərəbistanı təmsilçisi 26 yaşlı hücumçu üçün Rusiya klubuna 60 milyon avro ödəyib. Bu transfer Rusiya futbolu üçün rekord məbləğdir.

Qeyd edək ki, Malkom “Zenit”ə 2019-cu ildə “Barselona”dan keçmişdi. O, ötən mövsüm ərzində 33 matçda iştirak edib, 25 qol və 7 assistlə yadda qalıb.