Fransa millisinin yeni baş məşqçisi müəyyənləşib.

Futbolmedia.az insayder Fabritsio Romanoya istinadən xəbər verir ki, bu vəzifəyə əfsanəvi futbolçu Zinəddin Zidan təyin olunub.

Mənbənin məlumatına görə, tərəflər uzunmüddətli müqavilə imzalayıblar. Bildirilir ki, Zidanla Fransa Futbol Federasiyası arasında şifahi razılıq hələ ötən ilin noyabrında əldə olunmuşdu. Son günlər isə müqavilə rəsmiləşdirilib.

Qeyd edək ki, payız aylarında bəzi klublar da Zidanı heyətinə qatmaq istəsə də, 53 yaşlı mütəxəssis Fransa millisini çalışdırmaq qərarına sadiq qalıb.

Zidan 2021-ci ildən bəri heç bir komandada işləmirdi. O, məşqçilik karyerası ərzində iki dəfə "Real"ı çalışdırıb (2016–2018 və 2019–2021). Fransalı mütəxəssis Madrid təmsilçisi ilə ümumilikdə 11 titul qazanıb. Bunların arasında UEFA Çempionlar Liqasının üç çempionluğu da var.