Fransa millisində baş məşqçi vəzifəsi ilə bağlı diqqətçəkən iddia yayılıb.

Futbolmedia.az xəbər verir ki, tanınmış insayder Fabrizio Romanonun öz padkastında bildirdiyinə görə, “Real”ın sabiq baş məşqçisi Zinəddin Zidan ilə Fransa Futbol Federasiyası arasında şifahi razılıq mövcuddur. Məlumata görə, o, 2026-cı il dünya çempionatından sonra Fransa millisinin baş məşqçisi ola bilər.

Romano qeyd edib ki, indi bütün diqqət mundiala və komandanın hazırkı baş məşqçisi Didyr Deşamın işinə yönəlib, federasiya ona maksimum hörmət göstərir. Turnirdən sonra isə Zidanın məşqçilik fəaliyyətini bərpa edərək milli komandaya rəhbərlik edəcəyi gözlənilir.