FİFA DÇ-2026-nın maliyyə yekunlarını açıqlayıb.

Futbolmedia.az xəbər verir ki, bu barədə "The Guardian" nəşri məlumat yayıb.

Bildirilib ki, dünya çempionatı təşkilata rekord həddə - 15 milyard dollar gəlir gətirib. Bu rəqəm FİFA rəhbərliyinin əvvəlcədən proqnozlaşdırdığı təxminən 11 milyard dollarlıq gəliri xeyli üstələyib.

Mənbənin məlumatına görə, rekord gəlirin əsas səbəblərindən biri bilet satışları və onların rəsmi şəkildə təkrar satışı olub. Təkrar satış zamanı FİFA həm satıcıdan, həm də alıcıdan 15 faiz komissiya əldə edib.

Bundan əlavə, premium qonaqlama paketləri və turnirlə bağlı əlavə xidmətlərdən əldə olunan gəlirlər də maliyyə nəticələrinin rekord səviyyəyə çatmasında mühüm rol oynayıb.