Azərbaycan premyer liqasında hal-hazırda dövrümüzün ən yaxşı 2 futbolçusu varsa onlardan biri, elə birincisi Elvin Cəfərquliyevdir. Həqiqətən də, Elvin öz bacarığı, sürəti, möhtəşəm oyunu ilə Azərbaycandan kənarda hətta top komandaların heyətində oynaya biləcək potensialdadır. Bu futbolçumuz üzərində biraz da çalışa,qısa bir zamanda onu avropanın məşhur klublarında görə bilərik. "Qarabağ"ın baş məşqçisi Qurban Qurbanov müəyyən və məlum səbəblərdən Elvini əsas komandadan uzaqlaşdırdı. Hətta transferə çıxardılacağı söylənilir. Düzünü deyim ki, bu bir azaərbaycanlı və Azərbaycan millisinin üzvünə edilən çox kəskin, sərt qərardı. "Qarabağ"ın son illərdə qazandığı uğurlarda Elvin Cəfərquliyevin xidməti az deyil. Onun möhtəşəm oyunu, qol asisti və vurduğu qollar tarixə düşdü. Elvin Çempionlar Liqasında matçın ən yaxşıları arasında birinci oldu. Fikrimcə, həm klub, həm də, baş məşqçi Qurban hoca mütləq şəkildə bu qərarı yenidən gözdən keçirməli, gənc futbolçuya bu qədər sərt təpki göstərilməməlidir. Çünki Elvin elə "Qarabağ" aləsinin önəmli ailə üzvlərindən biridir. Onun karyerasının pik həddində dəstək, təkan olmaq lazımdır. Ola bilər futbolçu biraz çılğın, zarafatçıldır.

Axı elə azarkeşlər də, Elvini belə sevirlər. Səbəb nə olursa olsun, gənc futbolçuya şans verilməli,bağışlanmalı və yenidən əsas komandaya qaytarılmalıdır. Elvin Cəfərquliyev Azərbaycan futboluna lazımlı, futbolumuzun gələcək isimlərindən biridir. Onun Azərbaycan futboluna, "Qarabağ"a illərdi xidmətini unutmaq olmaz. Hər şeyin üstündən bir anda xətt çəkmək olmaz. Aldığımız məlumata görə, Elvin həm də xeyirxaq bir insan və futbolçulardandır. Bildiyimizə görə ona müraciət edə xəstə , ehtiyacı olan həmvətənlərini köməksiz qoymur. Bir sözlə, Elvin Azərbaycan millisində, Qarabağ"ın əsas heyətində olmalı, futbolumuz xidmət etməlidir. İnanırıq ki, Azərbaycan futbolunda fantastik tarix yazan Qurban Qurbanov Elvini yenidən əsas heyətə qaytarlb və bağışlayacaq. Bunu çox istəyirik.


Əli HƏYATİ yazının müəllifi və fotosu