"Mançester Yunayted"in müdafiəçisi Rafael Varan bud nahiyəsindən aldığı zədə səbəbindən qarşıdakı oyunlarda komandaya kömək etməyəcək.

Futbolmedia.az "L'Equipe" nəşrinə istinadən xəbər verir ki, fransalı oyunçu Çempionlar Liqasının qrup mərhələsinin 4-cü turunun “Atalanta” ilə oyununda (2:2) zədələnib.

Onun sağalması 3-4 həftə çəkəcək. Beləliklə, Varan "Mançester Yunayted"lə oyunlardan əlavə, DÇ-2022-nin seçmə mərhələsində Fransa millisinin matçlarını buraxacaq.

Qeyd edək ki, Rafaelin noyabrın 30-da "Arsenal"a qarşı keçirəcəkləri Premyer Liqaya görüşündən əvvəl sıraya qayıdacağı gözlənilir.